Cafodd Cylch Meithrin Saron a’r Hendre ei sefydlu ym 1968.

Rydym wedi ein lleoli yn Festri Capel y Bedyddwyr Saron. Caiff ei arolygu yn rheolaidd gan ESTYN, Arolygiaeth Gofal a Gwasanaethau Cymdeithasol Cymru a Mudiad Ysgolion Meithrin.

Fel rhieni ein hunain, rydym yn ymwybodol pa mor bwysig yw hi i chi deimlo eich bod yn dewis yr addysg gorau i’ch plentyn, ac felly bydd eich plentyn yn derbyn y gofal a’r addysg gorau yn Cylch Meithrin Saron a’r Hendre.

Cymraeg yw iaith y Cylch Meithrin ond rydym yn rhoi croeso cynnes i bob plentyn, dim ots beth yw’r iaith sy’n cael ei siarad yn y cartref.

Nod ein cylch yw hyrwyddo addysg a datblygiad plant o ddwy flwydd oed hyd at oed ysgol. Mae cyfle i blant gymdeithasu a dysgu trwy chwarae dan arweiniad ein staff proffesiynol, cyfeillgar a brwdfrydig.

Os hoffech drafod unrhyw agwedd o waith y cylch mae croeso i chi gysylltu â ni.

Gweithgareddau: 

Byddant yn cynnwys gweithgareddau sydd wedi eu gwreiddio yng ngofynion pedwar maes Canllawiau Senedd Cymru ar gyfer plant cyn ysgol:

  • Rhifedd

  • Llythrennedd

  • Corfforol Cymdeithasol

Dyma esiampl o’r math o weithgareddau fydd yn cael eu cynnal yn y Cylch:

  • Chwarae a chymdeithasu â phlant eraill

  • Dysgu drwy chwarae tu fewn a thu allan

  • Chwarae â thywod, dŵr, toes, tŷ bach twt, jig-sos, teganau, gemau bwrdd, beiciau

  • Darllen stori, canu a dawnsio

Rhoddir pob cymorth i bob plentyn gyrraedd ei botensial / photensial

Oriau / Ffioedd (o Medi 2023 ymlaen)

Bydd y cylch ar agor bob dydd (yn ystod tymor ysgol) Dydd Llun i Ddydd Gwener ac yn cynnig dwy opsiwn:

Dydd Llun i Dydd Gwener

8:45yb-2:45yp i blant pob oed

8:45yb - 11:45yb i blant 2 oed yn unig

Mae'r ffioedd hyn yn unol â chyfraddau Llywodraeth Cymru ac yn cael eu gwerthuso yn flynyddol. 

Mae rhieni a gwarcheidwaid yn gallu gwneud cais am ofal plant wedi'i ariannu ac addysg gynnar am hyd at 30 awr yr wythnos (o’r tymor ar ol i’ch plentyn droi’n 3 oed). 

Mae 30 awr yn cynnwys:

Gallwch hefyd dalu drwy eich cyfrif Gofal Plant sy'n Rhydd o Dreth

Lleoliad 

Y Festri Capel Saron,

Heol Saron,

Saron,

Rhydamman,

SA18 3LN

Gan ddilyn rheoliadau AGC, mae gofyn i gymhareb staff i blant gael ei ddilyn sef 1:8 dros dair oed, 1:4 i blant dwy oed. Mae’r Cylch yn derbyn plant newydd o’r diwrnod y byddant yn troi’n 2 oed, os oes lle.

  • Catherine (Arweinydd)

    Helo, hoffwn gyflwyno fy hun. Fy enw i yw Catherine (Anti Catherine i'r blant), arweinydd newydd Cylch Saron ar Hendre. Mae gen i dros 11 mlynedd o brofiad yn gweithio o fewn y sector gofal plant yma yng Nghymru a thramor.  Rwyf wedi cymhwyso mewn Gofal Plant Lefel 3 a Rheolaeth Lefel 5 mewn Gofal Plant.
    Mae gen i angerdd dros weithio gyda phlant, ac rwy'n credu y dylai plant fod y tu allan cymaint â phosibl, yn archwilio, yn chwarae ac yn dysgu.  Rydw i wir yn credu bod plant yn dysgu trwy chwarae, chwarae rhydd a di-dor.


    Yn fy amser rhydd, rwy'n mwynhau bod y tu allan, heicio, rhedeg, a nofio yn y dŵr agored.

    Edrychaf ymlaen at eich gweld i gyd yn y pentref a'ch croesawu!

  • Carys

    Helo, hoffwn gyflwyno fy hun. Fy enw i yw Carys (Anti Carys i’r plant).  Rwy'n lleol i'r ardal ac yn falch o ddod o hyd i waith yn y gymuned. Rydw i wedi bod yn gweithio gyda phlant ers dros flwyddyn bellach, rhywbeth rydw i wedi bod eisiau ei wneud ers blynyddoedd, ac rydw i wrth fy modd. Ar hyn o bryd rwy'n astudio ar gyfer fy lefel 3 mewn Gofal Plant tra'n gweithio yma yn y Cylch. Rwyf wrth fy modd yn gweithio gyda phlant, yn helpu a gwylio'r plant yn datblygu eu sgiliau a gweld eu hyder yn tyfu trwy chwarae gyda phethau sy'n eu diddanu a'u ffocws.
    Yn fy amser rhydd rwy'n rhedeg bywyd teuluol prysur yn rhedeg o gwmpas ar ôl fy 2 blentyn.  Rwy'n mwynhau bod allan yn yr awyr iach, mynd am dro, nofio, a theithio gyda'r teulu.  


    Edrychaf ymlaen at ddod i'ch adnabod chi i gyd yn well.

Cysylltwch â ni.

ebost: cylchmeithrinsaronarhendre@gmail.com